एम्बुलेन्समा १४ हजार रुपैयाँ भाडा लिएर यात्रुहरु ओसारपसार गर्ने पक्राउ

काभ्रेपलान्चोक । एम्बुलेन्समा यात्रुहरु ओसारपसार गरेको अभियोगमा बा.५ च ८६३८ नम्बरको एम्बुलेन्सका चालक सर्लाही चन्द्रनगर गाउँपालिका-३ बबरगंज बस्ने ३५ वर्षीय जुगतलाल महत्तोलाई काभ्रे बनेपा नगरपालिका-१४ साँगाबाट बिहीबार बिहान प्रहरीले पक्राउ गरेको छ । 

सामाजिक विकास तथा वातावरण संरक्षण संघ बबरगंज सर्लाहीद्धारा संचालित उक्त एम्बुलेन्स प्रहरी चौकी साँगाबाट खटिएको प्रहरीले जाँच गर्दा एम्बुलेन्समा कुनै बिरामी नरहेको र चालक समेत ८ जना यात्रु रहेको फेला पारेको थियो । चालकले १४ हजार रुपैयाँ भाडा लिई गार्मेन्टमा काम गर्ने मजदुरहरु लिई आएको अवस्थामा फेला पारी उनलई पक्राउ गरेको हो ।

एम्बुलेन्स चालक महत्तो उपर थप अनुसन्धान भइरहेको जिल्ला प्रहरी कार्यालय काभ्रेले जनाएको छ ।