नवलपरासीमा अबैध सामान बरामद

-सहबान अन्सारी

नवलपरासी । नवलपरासीको बिभिन्न ठाँउबाट १ लाख ४७ हजार  ५ सय बराबरको अबैध  मटर प्रहरीले नियन्त्रणमा लिएको छ ।

गएराती  प्रतापपुर गाउँपालिका वडा नं. ४ दरखासेमा नेपालबाट भारत तर्फ  अबैधरुपमा लादै गरेको  ६ बोरा मटर( केराउ)  पचपेडा प्रहरी चौकीले नियन्त्रणमा लिएको छ

यसैगरि  आईतवार बिहान प्रतापपुर गाउँपालिका वडा नं. ४  भैरवपुरमा नेपालबाट भारत तर्फ लग्दै गरेको  ५ बोरा मटर ( केराउ)  ईलाका प्रहरी  कार्यालय बेलाटारीले नियन्त्रणमा लिएको हो ।

 साथै सोही गाउँपालिका वडा नं.७ जगन्नाथपुरबाट ७ बोरा मटर प्रहरी चौकी बसहियाले नियन्त्रणमा लिएको हो ।

यसैगरि सरावल गाउँपालिका वडा नं ७ बुलन्दपुरबाट १९ बोरा मटर  सिमा प्रहरी चौकी महेशपुरले नियन्त्रणमा लिएको  हो ।

बरामद  गरिएको मटर ( केराउ)आवश्यक कारवाहीको लागी  महेशपुर भन्सार कार्यालय पठाइएको  जिल्ला प्रहरी कार्यालय नवलपरासीका सुचना अधिकारी राजु लामाले बताए।