सिमावर्ती क्षेत्रबाट अबैध सामान प्रहरीको नियन्त्रणमा

-सहबान अन्सारी

नवलपरासीको  सिमावर्ती क्षेत्रबाट १ लाख ४ हजार २सय बराबरको अबैध मटर (केराउ) र बोडीको बिउ प्रहरीले नियन्त्रणमा लिएको छ ।

बिहिवार  सरावल गाउँपालिका वडा नं. ७  बुलन्दपुरमा  नेपालबाट भारत तर्फ अबैधरुपमा लग्दै  करिब ७० हजार बराबरको २० बोरा मटर (केराउ) र ३४ हजार दुई सय बराबरको ३४५ प्याकेट बोडीको बिउ  सिमा प्रहरी चौकी महेशपुरले  नियन्त्रणमा लिएको छ।

उक्त मटर (केराउ) र बिउ मानिसहरुले टाउकोमा बोकी लैजादै गर्दा प्रहरी टोलीलाई देखेर बोरा फाली भगेका थिए।

नियन्त्रणमा लिएको मटर र बिउ आवश्यक कारवाहीको लागी  महेशपुर भन्सार कार्यालय पठाइएको  जिल्ला प्रहरी कार्यालय नवलपरासीका सुचना अधिकारी राजु लामाले बताए।