मोटरसाईकलमा लैजाँदै गरेको १ लाख बढीको अबैध मालसमान प्रहरीको नियन्त्रणमा

-सहबान अन्सारी



नवलपरासी । नवलपरासीको  सीमा क्षेत्रबाट करिब १ लाख १ हजार ३ सय ८० मूल्य बराबरको अबैध मालसमान प्रहरीले नियन्त्रणमा लिएको छ ।

बुधबार  सरावल गाउँपालिका वडा नं. ६  बडसारेमा   नेपालबाट भारततर्फ अबैधरुपमा लैजादै  करिब १५ हजार मुल्य बराबरको  ४ बोरा मटर ( केराउ) साथै  भारबाट अबैधरुपमा ल्याउदै गरेको करिब ८६ हजार ३ सय ८० मुल्य बराबरको बिभिन्न  साडी २० थान, लेडिज कुर्ताको थान कपडा १९ मिटर, जेन्स भित्री कपडा तथा ३८ पोका धनियाको बिउ  सिमा प्रहरी चौकी महेशपुरले   नियन्त्रणमा लिएको हो ।

उक्त मटर र कपडा मानिसहरुले मोटरसाईकलमा  राखी लैजादै गर्दा तथा ल्याउदै गर्दा प्रहरी टोलीलाई देखेपछि उनीहरु उक्त सामानहरु फाली भगेका थिए ।

नियन्त्रणमा लिइएको सबै सामान आवश्यक कारवाहीको लागि महेशपुर भन्सार कार्यालय पठाइएको  जिल्ला प्रहरी कार्यालय नवलपरासीले जनाएको छ ।