नवलपरासीमा ६ लाखको अबैध सुर्ती प्रहरीको नियन्त्रणमा

-सहबान अन्सारी



नवलपरासीको  सीमा क्षेत्रबाट करिब ६ लाख  मूल्य बराबरको अबैध सुर्ती प्रहरीले नियन्त्रणमा लिएको छ ।

बिहिवार  पाल्हिनन्दन गाउँपालिका वडा नं. ५  चमनटोलामा  भारतबाट अबैधरुपमा ल्याई बेवारिसे अवस्थामा राखेको ६० बोरा करिब ६ लाख  मुल्य बराबरको  सुर्ती   जिल्ला प्रहरी कार्यालय र प्रहरी चौकी  गेर्मीबाट खटिएको संयुक्त गस्ती टोलीले  नियन्त्रणमा लिएको हो ।

नियन्त्रणमा लिइएको  सुर्ती आवश्यक कारवाहीको लागि महेशपुर भन्सार कार्यालय पठाइएको  जिल्ला प्रहरी कार्यालय नवलपरासीले जनाएको छ ।