सैनिक मुख्यालयमा एक सैनिकद्वारा आत्महत्या

काठमाडौं ।  नेपाली सेनाको मुख्यालयमा  एक सैनिकले आत्महत्या गरेका छन् । आफैसँग भएको राइफल प्रयोग गरी  आत्महत्या गरेका हुन् ।

तनहुँ जिल्लाको रानीपोखरी निवासी ती सैनिक आइतबार बिहान ३ बजे सेनाको रिपुमर्दिनी पेट्रोल पम्पमा ड्युटीमा रहेका एक सिपाही दर्जाका जवानले आफ्नै ड्युटी बस्दा प्रयोग गरिने राइफल प्रयोग गरी आत्महत्या गरेको सैनिक प्रवक्ता सन्तोषवल्लभ पौडेलले जानकारी दिए ।

‘त्यसपछि हाम्रो सैनिक प्रहरीले नेपाल प्रहरीसँग समन्वय गरेर अनुसन्धान गर्ने, शवको पोष्टमार्टम गर्ने र उसको नजिकको परिवारहरुलाई बोलाएर काम गर्ने सेनाको स्थायी कार्यविधि अनुसार काम भइरहेको छ,’ उनले भने, ‘अनुसन्धान भएपछि बाँकी विवरण आउला ।’