२५ जोर चाँदीको पायलसहित एक व्यक्ति पक्राउ

कपिलवस्तु । अवैध रुपमा ल्याएको २५ जोर चाँदीको पायलसहित प्रहरीले एक व्यक्ति पक्राउ गरेको छ ।

कृष्णनगर नगरपालिका-३ झण्डिनगरबाट अवैध रुपमा ल्याएको करिब ४५ हजार रुपैयाँ बराबरको ९ सय ग्राम चाँदीको २५ जोर पायलसहित भारत सिद्धार्थनगर बस्ने १९ वर्षीय सादव रजा मुसलवानलाई मंगलबार प्रहरीले पक्राउ गरेको छ ।

ईलाका प्रहरी कार्यालय कृष्णनगरबाट खटिएको प्रहरीले सादवको साथमा उक्त चाँदी फेला पारी पक्राउ गरेको हो ।