भारतीय मोटरसाइकलमा १० किलो गाईको मासु !

-राजन कुमार बानिया

पोखरिया । सशस्त्र प्रहरी बल बोर्डर अाउट पोस्टका भिस्वा बंजारीले अाज पर्साको सिमावर्ती छिपहरमाई गाउँपालिका वार्ड ४ बर्वा गाउँको नजिक बाट १० किलो गाईको मासु र भारतीय मोटरसाइकल बरामद गरेका छन।

सशस्त्र प्रहरी निरिक्षक संजिप बानियाको नेतृत्वमा रहेको टोलीले बरामद गरेका छन् ।

जगरनाथपुर गाउँ बाट मोटरसाइकल  लगिरहेको अवस्थामा चेकजाँच गरिरहेको टोलीले मोटरसाइकलमा लोड रहेको गाईको मासु मोटरसाईकल  समेत बरामद गरेका छन् ।

मोटरसाइकल छोडेर तस्कर फरार भएको प्रहरीले जनाएको छ। बरामद गरिएको मोटरसाइकल नं बिअार २२ एफ ४७२१ नम्बर को भारतिय नं को मोटरसाइकल र गाईको मासु ईलाका प्रहरी कार्यालय पोखरियामा बुझाएको प्रहरीले जनाएका छन।