दोगडाकेदार गाउँपालिकामा चोरीको घटना बढ्दै !

जनक साउद

बैतडी । बैतडीको दोगडाकेदार गाउँपालिका १ रिममा पछिल्लो समय चोरीको घटनाहरु बढ्दै गएका छन्  ।

प्रहरी प्रशासनको उपस्थिति नरहेको उक्त ठाउमा पछिल्लो समय बिभिन्न पसलहरुमा र कुखुरा फर्ममा चोरी गर्ने गृह सक्रिय भएको छ ।

सोमबार राति मात्र रिमका बिभिन्न तीन ओटा पसलहरुमा चारी भएको छ । राति १ बजेको समयमा बिभिन्न पसलहरुमा अज्ञात समुहले ढोका तोडफोड गरी चोरी गरेको हो । चोरहरुको समुहले बण्डा टोलमा रहेको एउटा पसल र केरडा टोलमा रहेको २ ओटा पसलहरुमा तोडफोड गरी लाखौ मुल्य बराबरको खुद्रा समानहरु र लाखौ नगद चोरी भएको छ । स्थानिय राजेन्द्र साउद, राम दत्त कलौनी र गोबिन्द कलौनीको पसलबाट चोरी भएको हो । यस अघि पनी रिममा बिभिन्न पसलहरु र कुखुरा फर्महरुबाट लाखौ बराबरको चोरी भएको थियो । यस्तै घरायसी सर समानहरु पनी चोरी हुने गरेका छन । चोरी पश्चात उक्त ठाउमा प्रहरी टोली पुगेर छानबिन गरे जस्तो गर्ने भए पनि चोरीमा संलग्न गिरोह भने पत्ता लगाउन सकेको छैन । दोषीलाई कार्बाही गर्न नसक्दा चोरीका घटनाहरु बढ्दै गएका हुन । उक्त ठाउमा स्थानियहरुले प्रहरी चौकी स्थापनाको लागी पटक पटक माग गर्दै आए पनि प्रहरी चौकी स्थापना हुन सकेको छैन ।

प्रहरीको उपस्थीती नहुदा चौरी डकैती मात्रै नभएर अन्य सामाजिक अपराधका घटनाहरु बढ्दै गएका हुन । रिममा बिभिन्न अराजक गतिविधिहरु बढ्दै गएकोले प्रहरी चौकी अत्ति आबश्य रहेको वडाध्यक्ष धोज बहादुर कार्कीले बताए । यता बैतडीका प्रहरी प्रमुख ,प्रहरी नायब उपरीक्षक नारायण प्रसाद अधिकारीले भने प्रहरी चौकी स्थापनाका लागी स्थानिय सरकारले नै आबश्यकता महसुस गरी प्रदेश सरकारलाई चौकी स्थापनाका लागी आग्रह गर्नुपर्ने बताउनु भएको छ ।

आबश्यकताका आधारमा स्थानिय तहले प्रदेश सरकारलाई र प्रदेश सरकारले गृह  मन्त्रालयलाई आग्रह गरेर गृह  मन्त्रालयबाट निर्देशब आए पछि मात्रै प्रहरी चौकी स्थापना गर्न सकिने उनले बताए । यता दोगडाकेदार गाउपालिकाले भने चौकी स्थापनाका लागी प्रदेश सरकारलाई निबेदन गरे पनी अहिलेसम्म सुनुवाई नभएको जनाएको छ । “ हामी चौकी स्थापनाका लागी प्रदेश सरकारलाई निबेदन गरेका छौ तर अहिलेसम्म स्थापना हुन सकेको छैन ”। गाउपालिका अध्यक्ष चक्र कार्कीले भने । “ गाउपालिकाले उक्त क्षेत्रमा चौकी आबश्यक रहेको महसुस गरेको छ ”। गोकुलेश्वर प्रहरी चौकी र खोचलेक प्रहरी चौकीबाट पनी निकै टाढा रहेको उक्त क्षेत्रमा प्रहरी चौकी स्थापनाका लागी सम्बन्धित निकाय उदासिन देखिएको छ ।