केन्द्रले गरेको गठबन्धनलाई सर्लाही क्षेत्र न-२ अन्तर्गत नेपाली काँग्रेस पार्टीका केही व्यक्तिहरुले नमान्ने भनि गरेको सार्वजनिक उदघोष प्रति पार्टीका कार्यवाहक सर्लाही जिल्ला अध्यक्ष डा.सरोज कुमार यादव द्वारा आपत्ती

सर्लाही,आश्विन २१
सर्लाही जिल्ला निर्वाचन क्षेत्र न-२ मा नेपाली काँग्रेसका केही ब्यक्तिहरुले आगामी प्रतिनिधि सभा तथा प्रदेश सभा सदस्यको निर्वाचनलाई लिएर नेपाली काँग्रेसले गरेको गठबन्धनलाई नमान्ने भनि गरेको सार्वजनिक उदघोष प्रति पार्टीका कार्यवाहक सर्लाही जिल्ला अध्यक्ष डा.सरोज कुमार यादवले आपत्ती जनाएको छ।
विजया दशमी,दिपावली तथा छठ पर्वको उपलक्ष्यमा ने.का प्रतिनिधि सभा क्षेत्रिय कार्यसमिति क्षेत्र नं २ ले बिहिवार सदरमुकाम मलंगवामा आयोजना गरेको शुभकामना आदानप्रदान कार्यक्रममा क्षेत्र न-२ अन्तर्गतका पार्टीका केही नेता तथा कार्यकर्ताहरुले केन्द्रले गरेको निर्णयलाई लाई चुनौती दिएर गठबन्धनबाट उठाइएको कुनैपनि उमेदवारलाई साथ नदिने भन्दै सार्वजनिक रुपमा गरेको उद्घोष प्रति कावा जि.अध्यक्ष डा.यादवले आपत्ति जनाएका हुन। पार्टीले दिएको टिकटलाई मान्ने तर पार्टीले गरेको निर्णयलाई नमान्ने खालको दोहोरो चरित्रकै कारण पार्टीले विश्वास नगरेको यदि विश्वास गरेको भए उहाँले टिकट पाउने थियो डा.यादवले भने। पार्टीले गरेको निर्णयलाई सर्वोपरि मानेर अगाडी बढ्नुको बाहेक अरु कुनै विकल्प नरहेको उनलेे बताएका छन् ।
ने.का प्रतिनिधि सभा क्षेत्रिय कार्यसमिति क्षेत्र नं २ ले शुभकामना आदानप्रदानको नाममा कार्यक्रमको आयोजना गरेर आफ्नै पार्टीका कार्यकर्ता लगायत जनताहरुलाई अन्यौलमा पार्न खोजेको उनले आरोप लगाएका छन् ।हालै सम्पन्न भएको स्थानीय तहको चुनावमा एउटा संयोजकको भूमिका निर्वाह गर्दै सक्षम उमेदवारको छनौट गरि टिकट बाँड्ने काम आफुले गरेको तर टिकट बाँड्ने क्रममा अडचन पैदा गरेका ब्यक्तिकै पछाडी लागेर पार्टीको निर्णय मान्न तयार नभएका काँग्रेसका सदस्यहरुले आफ्नै पार्टी प्रति अन्तर्घात गर्न खोजेको डा.यादवले बताएका छन्।
उनले आफु पार्टीको निर्णय पर्खेर बसिरहेको अवस्थामा एउटा जिल्लाको कार्यवाहक अध्यक्षको हैसियतले जिल्लामा कुनैपनि कार्यक्रमको आयोजना हुँदा आफुलाई कुनैपनि किसिमको जानकारी नगराएको र आफ्नो गैरहाजिरीमा पार्टीकै विरोधमा लागेर जनतालाई अन्यौलमा पारेको उनले आरोप लगाएका छन् ।
पार्टीको सर्लाही जिल्ला सभापति तथा नागेन्द्र कुमारको कारणले जिल्लाको २ नम्बर क्षेत्र गठबन्धनको अन्य दलमा परेको भन्ने भ्रामक कुराको प्रचारप्रसार प्रति आफ्नो घोर आपत्ति रहेको डा.यादवले बताएका छन् ।उनले क्षेत्र निर्धारण गर्दा जि.का.समितिले २ नम्बर क्षेत्र लगायत सबै क्षेत्र जोडदार रुपले माग गरेको तर केन्द्रले जिल्ला सँग कुनै राय सल्लाह नगरी क्षेत्र निर्धारण गर्न खोज्दा सभापति लगायत ६ वटा जिल्ला सभापतिहरुले केन्द्रीय सभापतिलाई ध्यानाकर्षण पत्र मार्फत असमति जनाएको सर्वविद्धितै रहेको अवस्थामा यस्ता अनर्गल कुराको पछि नलाग्न क्षेत्रबासीहरु सँग अनुरोध गरेका छन् ।