सरकारी सवारी साधनको चरम दुरुपयोग

दिपेश कुमार शाह/रौतहट/११सनिबार
रौतहटका विभिन्न ठाउँमा सरकारी सवारी साधनको चरम दुरुपयोग भइरहेको पाइएको छ । रौतहटमा रहेका विभिन्न सरकारी कार्यालयमा कार्यरत कर्मचारीहरू तथा स्थानीय जनप्रतिनिधिले प्रयोग गर्दै आइरहेका मोटरसाइकलदेखि जिपसम्मका सरकारी सवारी साधनको चरम दुरुपयोग भएको पाइएको हो । शनिबार तथा सार्वजनिक विदाका दिन जिल्ला प्रशासनबाट अनुमति लिएर मात्रै सरकारी सवारी साधन सञ्चालन गर्नुपर्ने नियम छ । तर, यहाँका कर्मचारी तथा जनप्रतिनिधिले सार्वजनिक बिदाको दिन नेपालमा मात्र नभई छिमेकी मुलुक भारतमा समेत व्यक्तिगत कामकाजका लागि सरकारी सवारी साधनको प्रयोग गरिरहेका छन् । यसका साथै दुई जना क्षमता भएका मोटरसाइकलमा चार जना बोक्ने र हेलमेन्ट नहुँदा पनि तथा जीप वा भ्यानमा समेत व्यक्तिगत तथा पारिवारिक कामकाजका लागि प्रयोग भएको पाइएको छ  । यसै गरी रौतहटको होटल, रेस्टुरेन्ट, बजार, मेलामा सरकारी सवारी साधन देखने गरिन्छ । पटक–पटक जिल्ला प्रशासन कार्यालय रौतहटबाट सवारी साधन सीमित कामकाजका लागि सञ्चालन गर्न निर्देशन गरिँदासमेत रौतहटमा सरकारी सवारी साधन दुरुपयोग रोकिएको छैन् । ‘कर्मचारीमा इमानदारिता र नैतिकता हुनुपर्छ, ‘पन्तले भने, ‘जबसम्म स्वतस्फूर्त कर्मचारी नियन्त्रित हुँदैनन्, तबसम्म सवारी साधन दुरुपयोग हुन्छ ।’ दिएको जिम्मेवारीभन्दा व्यक्तिगत, व्यावसायिक कामका लागि सरकारी साधन प्रयोग भएपछि स्थानीय आक्रोसित भएका छन् । प्र जी अ धर्मेन्द्र कुमार मिश्राले सरकारी कर्मचारीलाई पटक–पटक निर्देशन र अनुरोध गरिएको बताए । ‘हामीले सबैलाई अनुरोध र निर्देशन गरेकै हुन्छौँ’, प्रजिअ मिश्राले भने, ‘त्यसमा अझ झन् त विदेशी मुलुकमा जाँनै हुँदैन ।’ इन्धनको नाममा लाखौँ खर्च सरकारी सवारी साधनको चरम दुरपयोग हुँदा रौतहटका स्थानीय तहमा इन्धनमा लाखाँै खर्च भएको पाइएको छ । स्थानीय तहका जनप्रतिनिधि र कर्मचारीले कार्यालयको कामभन्दा व्यक्तिगत काममा गाडी दुरुपयोग गर्दा इन्धनमा लाखौँ खर्च भएको हो ।१८ स्थानीय तह रहेको रौतहटका सबै स्थानीय तहमा जनप्रतिनिधि आएपछि सावारी साधन थपिएका छन् । जिल्लामा आउने संघीय र प्रदेश सांसदले स्थानीय तहका गाडी प्रयोग गर्छन् । त्यसैले पनि स्थानीय तहमा इन्धन खर्च बढेको देखिन्छ । नगरपालिका गाउँपालिकाहरुले चालू आर्थिक वर्षको अहिलेसम्म इन्धनमा खर्च गरेको छ । गाउँपालिका र नगरपालिकाले अहिलेसम्म सबै रकम इन्धन खरिदमा खर्च गरेको छ । उनका अनुसार उक्त रकम नगरपालिकाका गाडी, टिपर, ट्याक्टर, जेसीबी र मटोरसाइकल प्रयोगमा खर्च गरिएको हो ।
। गाउँपालिका र नगरपालिका त्यहाँका वडाध्यक्षले पनि मासिक २० लिटर तेल पाउँछन् । प्रमुख र उपप्रमुखलाई आवश्यकताअनुसार तेल दिने गरिएको छ ।लाखौँ रकम इन्धनमा खर्च भएपछि स्थानीयसमेत हैरान भएका छन् । काम कम खर्च बढी भएपछि स्थानीयले इन्धनसमेत दुरुपयोग भएको छ।रौतहटका स्थानीय तहका जनप्रतिनिधिले भने इन्धन र सवारी साधन कामकै लागि प्रयोग हुने र दुरुपयोग नभएको छन् ।