गजल

१

साचो र सत्य बोल्नेलाई पागल भन्छन आजभोली
झुटो र दुनिया ठग्नेलाई असल भन्छन आजभोली
दुई चार बर्ष भारतमा बसेर फर्किसकेपछी नेपाल
नेपाली भन्दा हिन्दी भाषा सरल भन्छन आजभोली
हामी गाउँ घरका मान्छेले नयां लुगा कपडा किन्दा
उसले पनि गर्न थालिन नक्कल भन्छन आजभोली
पहिले झुपडीमा जीवन चलाएका बाउका छोराहरु
चाहिन्छ अब त जसरी नि महल भन्छन आजभोली
आफ्नै देशमा पसिना बगाई मेहनत गर्नेलाई मान्दैनन्
खाडिमा पैसा कमाउनेलाई सफल भन्छन आजभोली।।

२

सबैको लागि कोमल छ मेरो मन थाहा होला नि
तिमी बिना चल्दैन मेरो धड्कन थाहा होला नि !
मलाई त केवल दिनसक्छौ भने चोखो माया देउ
मान सम्मानको रुपमा चाहिदैन धन थाहा होला नि !
मान्छे जन्मिनु अनि मर्नु प्रकृतिको नियम यस्तै रहेछ
त्यसैले हुन्छ यहाँ बिछोड अनि मिलन थाहा होला नि !
बाँचुन्जेल सबैसँग रमाउने हो जहिल्यै पनि आखिर
दुई दिनको लागि मात्र हो हाम्रो जीवन थाहा होला नि !
मान्छेमा जती बढदै जान्छ उती नै जिम्मेवारी थपिन्छ
मागेर अनि खोसेर आउँदैन बालापन थाहा होला नि !

✍ममता खत्री शैल्यशिखर नगरपालिका मिलिमिली, दार्चुला