काठमाडौं उपत्यकामा कोरोना संक्रमितको संख्या घट्यो, ३ हजार परीक्षणमा ३ जना मात्रै पोजिटिभ

काठमाडौं ।  काठमाडौं उपत्यकामा कोरोना संक्रमितको संख्या घट्दै गएको जनाइएको छ ।

स्वास्थ्य तथा जनसंख्या मन्त्रालयले कोरोनाभाइरसको संक्रमण दर कम हुँदै गएको मन्त्रालयका प्रवक्ता डा जागेश्वर गौतमले जानकारी दिए ।  मन्त्रालयले संक्रमण दर कम भएकाले नै परीक्षण पनि कम भएको स्पष्ट पारेको छ ।

गौतमले काठमाडौं उपत्यकाका विभिन्न स्थानमा ३ हजार जनाको नमुना संकलन गरेर पीसीआर विधिबाट परीक्षण गर्दा ३ जनामा मात्रै कोरोना पोजेटिभ देखिएको बताए । यसले संक्रमण दर कम हुँदै गएको पुष्टि हुने उनले बताए ।

संक्रमित कम भएपनि जोखिम भने कम नभएको उनकाे भनाइ छ । उनका अनुसार पछिल्लो २४ घण्टामा ४ हजार ९८१ जनाको नमुना परीक्षणमा थप १६७ जनामा कोरोनाभाइरस संक्रमण पुष्टि भएको छ ।  यो संगै नेपालमा सक्रमितको संख्या १७ हजार ३४४ पुगेको जानकारी दिए ।