४ हजार बढी पीसीआर परीक्षणमा १०९ जनामा संक्रमण पुष्टि

काठमाडौं । पछिल्लो २४ घण्टामा ४ हजार बढी पीसीआर परीक्षण गरिएकोमा १०९ जनामा संक्रमण पुष्टि भएको छ ।

 थप १०९ जनामा कोरोना भाइरसको संक्रमण पुष्टि भएसँगै कोरोना संक्रमितको संख्या १८ हजार ४८३ पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयका प्रवक्ता डा. जागेश्वर गौतमले शनिबार नियमित लाइभ अपडेटमा उक्त जानकारी दिएका हुन् ।

यस्तै शनिबार कोरोना निको भएर १०६ जना घर फर्किए भने अहिलेसम्म कोरोना निको हुनेको संख्या १३ हजार ५३ पुगेको छ।