कोरोना कहरले जनता भटाभट मर्ने अवस्थामा, सरकार भने मौन

धनुषा । जनता समाजवादी पार्टीका युवा नेता बिनोद प्रसाद रोहिताले धनुषाको शहिदनगर नगरपालिका ८ लगायत सम्पुर्ण वडाको प्रत्येक घरमा पिसिआर परिक्षण गर्न आवश्यक रहेको जनाएका छन्  ।

रोहिताले आफ्नो फेसबुक स्ट्याट्स मार्फत कोरोना कहर बढिरहेको अवस्थामा पुनः लकडाउन गर्नुको विकल्प नभएको जनाएका छन् । उनले कोरोना  कहरप्रति सजग रहनुको साथै पिसिआर परिक्षण गरी जनतालाई जोगाउन संघीय सरकार, प्रदेश सरकार र स्थानीय सरकारलाई आग्रह गरेका छन् ।

 हिजो मात्र धनुषाको शहिदनगरमा पछिल्लो २४ घण्टामा १ जना अस्पतालमा उपचार नपाएर दुःखद् निधन भएको जनाउँदै जनता भटाभट मर्न लाग्दा पनि सरकार मौन रहेकोमा दुःख व्यक्त गरेका छन् ।

कतिपय बिरामीलाई जनकपुरको अस्पतालले कोरोनाको त्रासले भर्ना गर्ने नमानेको बताउदै शहिदनगर नगरपालिकामा कोरोना संक्रमितको त्रासले मानिसहरु घरमै बसेको जनाएका छन्  ।

प्रादेशिक अस्पताल र अन्य नीजि अस्पतालमा पनि भेन्टिलेटर र आइसियुको अभाव देखिएको जनाउँदै आइसियु र भेन्टिलेटरको व्यवस्था गर्न संघीय सरकारसँग जोडदार माग गरेका छन् ।