काठमाडौं उपत्यकामा एकैदिन १३८ जनामा कोरोना संक्रमण पुष्टि, देशभर ४८४ संक्रमित थपिए

काठमाडौं । काठमाडौं उपत्यकामा थप १३८ जनामा कोरोना संक्रमण पुष्टि भएको छ । साथै देशभर ४८४ जना कोरोना संक्रमण पुष्टि भएको स्वास्थ्य मन्त्रालयले जनाएको छ ।

स्वास्थ्य मन्त्रालयका प्रवक्ता डा जागेश्वर गौतमले बुधबारको नियमित प्रेस ब्रिफिङमा ललितपुरमा २१ र भक्तपुरमा ८ जना छन् भने बाँकी  १०९ जना काठमाडौंका रहेको जानकारी दिएका हुन् । यो संगै संक्रमितको कुल संख्या २४ हजार ४३२ पुगेको उनले जानकारी दिए ।

यस्तै हालसम्म निको हुनेको कुल संख्या १६ हजार ७२८ पुगेको छ । हालसम्म कोरोनाबाट मृत्यु  हुनेको संख्या ९१ रहेको छ ।