काठमाडौं । काठमाडौं उपत्यकासहित देशभर कोरोना संक्रमितको संख्या ह्वात्तै बढेपछि स्वास्थ तथा जनसंख्या मन्त्रालयले आज एक विज्ञप्ति जारी गरि नागरिकलाई सचेत गराएको छ ।
मन्त्रालयले कोरोना भाइरसको संक्रमणको जोखिम बढिरहेको बेला परिक्षणका लागि नमुना दिने तर केही नभए जस्तो गरेर सबैतिर हिंडडुल,भेटघाट तथा जनसम्पर्कमा आउने जस्ता व्यवहार गर्नाले झन संक्रमण हुने खतरा रहेको जनाएको छ ।
मन्त्रालयले आफुलाई शंका नलागी परिक्षण समेत नगर्नु नगराउनु हुन र शंका लागेरै परिक्षणका लागि नमुना दिई रिपोर्ट नेगेटिभ नआउन्जेलसम्म अन्य व्यक्तिको सम्पर्कमा नआई अलग्गिएर बसिदिन आग्रह गरेको छ ।
संक्रमणको नतिजा आएपछि आफ्नो सम्पर्कमा आएका व्यक्तिहरुलाई जानकारी गराउन मन्त्रालयले सबैलाई निगरानी बढाउन ,परिक्षणका लागि सहयोग गर्न र संक्रमण रोक्नमा सबैलाई अनुरोध गरेको छ ।
तपाईको प्रतिक्रिया