आज शुक्रबार थप ४ जना कोरोना संक्रमितको मृत्यु,कुल संख्या ९९ पुग्यो

काठमाडौं । नेपालमा आज थप ४ जना कोरोना संक्रमितको मृत्यु भएको छ । यो संगै कोरोनाभाइरसको संक्रमणबाट मृत्यु हुनेको संख्या ९९ पुगेको छ ।

शुक्रबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले पछिल्लो २४ घण्टामा थप ४ जनाको मृत्यु भएसँगै नेपालमा कोरोनाबाट मृत्यु हुनेको संख्या ९९ पुगेको  जानकारी दिएका हुन् ।

डा. गौतमका अनुसार मोरङ र सिरहाका १–१ तथा बाराका २ जनाको गरी ४ जनाको निधन भएको हो ।

यस्तै आज थप ५९४ जनामा कोरोना भाइरस संक्रमण पुष्टि भएको छ ।   हालसम्म कोरोना संक्रमितको कुल संख्या २५ हजार ५५१ पुगेको छ भने डिस्चार्ज हुनेको संख्या १७ हजार ७७ पुगेको छ ।

यस्तै देशभर ७ हजार ९१३ सक्रिय संक्रमित रहेका छन् ।