नेपालमा अहिलेसम्म १०२ जना कोरोना संक्रमितको मृत्यु (८० पुरुष,२२ महिला)

काठमाडौं ।  नेपालमा आज थप ३ जना कोरोना संक्रमितको मृत्यु भएको छ । यो संगै कोरोना भाइरस संक्रमणबाट मृत्यु हुनेको संख्या  १०२ पुगेको छ ।

स्वास्थ्य तथा जनसंख्या मन्त्रालयका प्रवक्ता जागेश्वर गौतमले कोरोनाभाइरसको संक्रमणबाट थप तीन जनाको मृत्यु भएको जानकारी दिएका हुन् ।

डा. गौतमका अनुसार कपिलवस्तु, पर्सा र धनुषाका १—१ जना गरी थप ३ जनाको मृत्यु भएको हो । कपिलवस्तुको मायादेवी—७ का ४० वर्षीय पुरुषको साउन ३१ गते उपचारका क्रममा लुम्बिनी प्रादेशिक अस्पतालमा मृत्यु भएको हो । यस्तै पर्साको विरगञ्ज महानगरपालिका—१२ का ६० वर्षीय पुरुषको साउन ३० गते नारायणी अस्थायी कोरोना अस्पतालमा उपचारका क्रममा मृत्यु भएको हो । धनुषाको जनकनन्दनी गाउँपालिका ४ का ५० वर्षीय पुरुषको साउन २९ गते कोरोनाबाट मृत्यु भएको हो ।

हालसम्म मृत्यु हुनेमा ८० जना पुरुष र २२ जना महिला रहेका छन् ।



कोरोना संक्रमितको मृत्यु (विवरण )



प्रदेश  १                  : ९ जना

प्रदेश २                   : ४४ जना

बागमती प्रदेश         : १८ जना

गण्डकी प्रदेश          : ६ जना

प्रदेश ५                   : १३ जना

कर्णाली प्रदेश          : ४ जना

सुदूरपश्चिम प्रदेश      :  ८ जना

 

यस्तै पछिल्लो २४ मा काठमाडौं उपत्यकाका थप ९८ सहित देशभर ४६८ जनामा कोरोना संक्रमण पुष्टि भएको छ ।

यो संगै कोरोना संक्रमितको कुल संख्या २६ हजार १९ पुगेको छ।

शनिबारको नियमित प्रेस ब्रिफिङमा स्वास्थ्य मन्त्रालयका प्रवक्ता जागेश्वर गौतमले देशभर ४६८ जना कोरोना संक्रमित थपिएको जानकारी दिएका हुन् ।

यस्तै पछिल्लो २४ घण्टामा १२४ डिस्चार्ज भएका छन् भने हालसम्म निको हुनेको संख्या १७ हजार २०१ पुगेको छ ।

हालसम्म  कोरोनामुक्त हुनेको संख्या १७ हजार २ सय १ पुगेको डा. गौतमले जानकारी दिएका हुन् ।