कोरोना भाइरस : थप ७ जना कोरोना संक्रमितको मृत्यु,ज्यान गुमाउनेको संख्या ११४ पुग्यो

काठमाडौं । नेपालमा कोरोना भाइरसको संक्रमणबाट थप ७ जनाको मृत्यु भएको छ । यो संगै कोरोना भाइरसको संक्रमणबाट मृत्यु हुनेको संख्या ११४ पुगेको छ ।

स्वास्थ्य मन्त्रालयका प्रवक्ता डा जागेश्वर गौतमले मंगलबारको नियमित प्रेस ब्रिफिङमा पछिल्लो २४ घण्टामा कोरोनाबाट थप ७ जनाको मृत्यु भएको जानकारी दिएका हुन् । 

मृतकमा काभ्रे, मोरङ, नवलपरासी, धनुषा, बाके र कास्कीका १–१ जना पुरुष तथा तनहुँकी एक महिलाको रहेको  डा. गौतमले जानकारी दिए ।

नेपालमा आज एकैदिन  १ हजार १६ जनामा कोरोनाभाइरस संक्रमण पुष्टि भएको छ ।  योसँगै देशभर संक्रमितको कुल संख्या २८ हजार २५७ पुगेको छ ।

बितेको २४ घण्टामा थप ८५ जना डिस्चार्ज भएका छन् भने हालसम्म डिस्चार्ज हुनेको संख्या १७ हजार ५ सय ८० पुगेको छ । यस्तै देशभर १० हजार ५६३ सक्रिय संक्रमित रहेका छन् । यस्तै कोरोना संक्रमणबाट मृत्यु हुनेको संख्या ११४ पुगेको छ ।