३०,४८३ जना कोरोना संक्रमितको ल्याब टेस्टमा मात्रै ३ अर्ब १८ करोड ९४ लाख बढी खर्च

काठमाडौं । नेपालमा कोरोना संक्रमणको उपचारका लागि हालसम्म ५ लाख ७९ हजार ८ सय ९९ जनाको पिसिआर परीक्षण गरिएको स्वास्थ्य मन्त्रालयले जनाएको छ ।

अहिलेसम्म ३० हजार ४ सय ८३ जना व्यक्ति पोजिटिभ देखिएको छ ।

सरकारले कोरोना उपचारका लागि ल्याब टेस्टमा मात्र ३ अर्ब १८ करोड ९४ लाख ४४ हजार ५ सय  खर्च भएको छ । यति खर्च गर्दा ३० हजार ४ सय ८३ जना व्यक्ति पोजिटिभ देखिएको छ ।

एउटा पोजिटिभ भेट्न सरकारको १ लाख ४ हजार ६ सय ३० रुपैयाँ खर्च हुने गरेको छ । अझ पोजिटिभ भेटिएको संक्रमितको उपचार गर्दा आइसियुमा भर्ना गर्नुपरे  ४ लाख ५० हजार खर्च हुने गरेको छ ।

कोरोना संक्रमणको उपचार निकै खर्चिलो रहेको स्वास्थ्य मन्त्रालयले जनाएको छ ।

आज मात्रै  देशभर ८३८ जना कोरोना संक्रमित थपिएका छन् । कोरोना संक्रमितको कुल संख्या ३० हजार नाघिसकेको छ ।

स्वास्थ्य मन्त्रालयका प्रवक्ता डा जागेश्वर गौतमले नियमित प्रेस ब्रिफिङमा कोरोना संक्रमितको संख्या ३०,४८३ पुगेको जानकारी दिएका छन् ।

कोरोनाभाइरस संक्रमणबाट थप ११ जनाको मृत्यु भएको र यो सँगै शुक्रबारसम्म कोरोनाभाइरस संक्रमणबाट मृत्यु हुनेको संख्या १३७ पुगेको डा. गौतमले जानकारी दिएका हुन् ।

मृतकमा मोरङ, पर्सा, बारा, सप्तरी, सर्लाही, काठमाडौं, ललितपुर, चितवन, मकवानपुर, दोलखा र प्युठानका १–१ जना गरी ११ जना रहेका छन् । जसमा १ महिला र १० पुरुष रहेका छन् ।