काठमाडौं उपत्यकामा १६६ सहित देशभर ८१८ जना कोरोना संक्रमित थपिए,कुल संख्या ३१,९३५ पुग्यो

काठमाडौं । पछिल्लो २४ घण्टामा काठमाडौं उपत्यकामा थप १६६ जना सहित देशभर ८१८ जना कोरोना संक्रमित थपिएका छन् ।  यो संगै कोरोना संक्रमितको संख्या ३१ हजार ९३५ पुगेको छ ।

आइतबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले काठमाडौंमा १२६, ललितपुरमा १२ र भक्तपुरमा २८ जना साथै देशभर ८१८  जनामा संक्रमित पुष्टि भएको जानकारी दिए । 

यस्तै पछिल्लो २४ घण्टामा थप २८१ जना निको भएसँगै हालसम्म निको हुनेको कुल संख्या १८ हजार ६३१ पुगेको छ।

हाल देशभर १३ हजार १५५ जना सक्रिय संक्रमित रहेका छन्।

यस्तै कोरोना संक्रमणबाट  थप ३ जनाको  मृत्यु भएको छ । योसँगै मृतकको कुल संख्या १४९ पुगेको डा. गौतमले जानकारी दिए ।