वीरगञ्ज महानगरपालिकाका नगरप्रमुख सरावगी कोरोना संक्रमण मुक्त

वीरगञ्ज ।  वीरगञ्ज महानगरपालिकाका नगरप्रमुख विजय कुमार सरावगी कोरोना संक्रमण मुक्त भएका छन् ।

विगत २५ दिनदेखि कोभिड-१९ बाट सङ्क्रमित भइ होम आइसोलेसनमा रहेका नगरप्रमुख सरावगीको आइतबार कोरोना रिपोर्ट नेगेटिभ आएको हो।

बिरगञ्जस्थित नारायणी अस्पतालको पिसिआर प्रयोशालामा गरिएको परिक्षणमा नगरप्रमुख सरावगीको रिपोर्ट नेगेटिभ आएको उनका राजनीतिक सल्लहाकार मुकेश द्विवेदीले जानकारी दिए ।                

 नगरप्रमुख सरावगीले आइतबार बिहान पिसिआर परिक्षणका लागि आफ्नो स्वाब जम्मा गराएका थिए ।नगरप्रमुख सरावगी श्रावन १५ गते कोरोना सङ्क्रमित भएका थिए । उनले सामाजिक सञ्जाल फेसबुकको आफ्नो आधिकारिक आइडीबाट आफुलाई कोरोना सङ्क्रमण भएको जानकारी गराएका थिए ।

सरावगीमा कोरोना सङ्क्रमण पुष्टि हुँदा उनि काठमाडौँमा थिए । केहि दिन काठमाडौँस्थित आफ्नो घरभित्रै होम आइसोलेसनमा रहेर उपचार गराएका नगरप्रमुख सरावगी गत हप्ता  वीरगञ्ज फर्केको द्विवेदीले बताए । परिबारमा संंक्रमित मध्ये उहाँको बुवा बाहेक सम्पुर्ण सदस्य कोरोना मुक्त भएका छन ।