काठमाडौं उपत्यकामा २३२ सहित देशभर ८५५ जना संक्रमित थपिए,कुल संख्या ३३,५३३ पुग्यो

काठमाडौं । पछिल्लो २४ घण्टामा काठमाडौं उपत्यकामा २३२ सहित देशभर ८५५ जना कोरोना संक्रमित थपिएका छन् ।

मंगलबारको  नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले काठमाडौंमा १९९, ललितपुरमा १९ र भक्तपुरमा १४ गरी उपत्यकामा २३२ जनामा संक्रमण पुष्टि भएको जानकारी दिए ।

योसँगै देशभर संक्रमण पुष्टि हुनेको कुल संख्या ३३ हजार ५ सय ३३ पुगेको  डा. गौतमले  जानकारी दिए । उनका अनुसार बितेको २४ घण्टामा ३१३ जना डिस्चार्ज भएका छन् भने हालसम्म निको हुनेको कुल संख्या १९ हजार ११९ पुगेको छ ।