नवलपरासीमा थपिए ८ जना संक्रमित, निषेधाज्ञा १५ गते सम्म

-सहबान अन्सारी



नवलपरासी ।  जिल्ला प्रशासन कार्यालय नवलपरासीले पुन :  भदौ १५गते  सम्मको लागि निषेधाज्ञा बढाउने निर्णय गरेको छ ।

यसअघि उक्त कार्यालयले साउन ३२ गतेबाट निशेषाज्ञा जारी गरेको क्रमश: यो तेस्रो पटक हो  ।

 बुधवार जिल्ला सुरक्षा  समिति,राजनितिक दलका प्रतिनिधी संघिय तथा प्रदेश सभा सदस्यको सर्वदलिय बैठकले भदौ १५ गतेसम्म्का लागि निशेधाज्ञा लम्ब्याउने निर्णय गरेको  प्रमुख जिल्ला अधिकारी सागर मणि पाठकले जानकारी दिए ।

यसअघि जिल्लाको ७ वटै  स्थानीय तहमा  जारी गरिएको निषेधाज्ञा  बुधवार राती १२ बजे सकिदै थियो ।

जिल्लामा कोरोना संक्रमितको संख्या बढ्दै गएपछि र यसको जोखिम न्यूनिकरण र रोकथामको लागि  निषेधाज्ञा अवधिभर  सामुहिक जमघट, भेला गोष्ठी सेमिनार र अनावश्यक रुपमा हिलडुल गर्न नपाइने पाठकले बताए।

 (थपिए ८ कोरोना संक्रमित)

जिल्लाको  प्रतापपुर गाउँपालिकामा ७ जना र सरावल गाउँपालिकामा १ जना गरी ८ जनामा  कोरोना संक्रमणको पुष्टि भएको स्वास्थ्य कार्यालयका प्रमुख गौरव ढकालले बताए।

 संक्रमण पुष्टि हुनेमा सरावल गाउपालिका वडा नं ४ का ३८ बर्षिय पुरुष रहेका छन् । प्रादेशीक प्रयोगशाला भैरहवामा गरिएको परिक्षणका क्रममा उनमा कोरोना संक्रमण पुुष्टि भएको हो । यसैगरि प्रतापपुरको वडा नं ३का ३७ बर्षिय पुरुष, वडा नं ७ का ३१, ३९ , ४२ र ४४ बर्षिय पुरुष र वडा नं ९ का ३९ र ४२ बर्षिय पुरुषमा पनि संक्रमण पुष्टि भएको छ । त्यसैगरि बारा घर भई बर्दघाटमा पसल गर्दै आएका ५० बर्षिय पुरुषमा  पनि संक्रमण पुष्टि भएको छ ।

दुर्घटनामा परि भैरहवाको आइसियुमा उपचारका क्रममा गरिएको परिक्षणका क्रममा उनमा संक्रमणको पुष्टि भएको छ ।

यो सगैं जिल्लामा कुल संक्रमितको संख्या १ सय ९४ पुगेको छ