काठमाडौं उपत्यकामा ३७७ सहित देशभर १ हजार १सय ११ जना कोरोना संक्रमित थपिए

काठमाडौं । पछिल्लो २४ घण्टामा काठमाडौं उपत्यकामा ३७७ सहित देशभर १ हजार १सय ११ जना कोरोना संक्रमित थपिएका छन् ।काठमाडौंमा  २७० जना , ललितपुरमा ६६ र भक्तपुरमा ४१ जना रहेका छन् । 

बिहीबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले देशभर थप १ हजार १११ जनामा संक्रमण पुष्टि भएको जानकारी दिए । यो देशभर कोरोना संक्रमितको कुल संख्या ३५ हजार ५३९ पुगेको उनले बताए ।

पछिल्लो २४ घण्टामा कोरोना निको भएर ५६९ जना घर फर्किएका छन् भने यससँगै निको हुनेको कुल संख्या २० हजार ७३ पुगेको छ ।  हालसम्म देशभर सक्रिय संक्रमितको संख्या १५ हजार २७३ रहेको छ ।