आइतबार १,२२१ जना संक्रमित थपिए,कुल संक्रमित(३८,५६१) संक्रमण मुक्त (२०,८२२) मृत्यु (२२१)

काठमाडौं ।  पछिल्लो २४ घण्टामा  १२२१ जना  कोरोना संक्रमित थपिएका छन् ।

 स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले ३४८ महिला र ८७३ पुरुष गरी जम्मा १२२१ जनामा यससँगै देशभर कोरोना संक्रमितको कुल संख्या ३८,५६१ पुगेको जानकारी दिनुभयो ।

यस्तै पछिल्लो २४ घण्टामा थप २६७ निको भएसँगै कुल निको हुनेको संख्या २० हजार ८२२ पुगेको छ ।

यस्तै  पछिल्लो २४ घण्टामा थप १४ जना कोरोना संक्रमितको मृत्यु भएको डा. गौतमले  जानकारी दिनुभयो  । यो संगै मृत्यु हुनेको संख्या २२१ पुगेको छ   ।