कोरोना संक्रमित र तिनको परिवारमाथि अभद्र व्यवहार गरेको देखे टोल फ्री नम्बर ११४९ वा १०० मा फोन गर्न गृहको निर्देशन

काठमाडौं ।  कोरोना संक्रमित र तिनको परिवारमाथि अभद्र व्यवहार गरेको देखे गृह मन्त्रालयको टोल फ्री नम्बर ११४९ र प्रहरीको १०० मा फोन गरेर जानकारी दिन अनुरोध गरिएको छ ।

गृह मन्त्रालयले शुक्रबार एक विज्ञप्ति जारी गर्दै कोरोना संक्रमण नियन्त्रण र रोकथाममा खटिने स्वास्थ्यकर्मी, कर्मचारी, कोरोना संक्रमित साथै परिवारलाई समेत अभद्र व्यवहार गर्नेलाई तत्काल कारबाहीको दायरामा ल्याउन मातहतका निकायलाई निर्देशन दिएको छ ।

जारी गरेको विज्ञप्तिमा भनिएको छ, ‘कुनै प्रकारका घटना हुन सक्ने देखिए वा भए मन्त्रालयको टोल फ्री नम्बर ११४९ र प्रहरीको १०० मा फोन गरी जानकारी गराउन हुन अनुरोध गरिन्छ । उजुरीकर्ताको विवरण गोप्य रहनेछ ।’