थप ८९९ जनामा कोरोना संक्रमण पुष्टि, कुल संक्रमित (३९,४६०) संक्रमण मुक्त (२१,४१०)

काठमाडौं । पछिल्लो २४ घण्टामा  थप ८९९ जनामा कोरोना संक्रमण पुष्टि भएको छ।  यो संगै कोरोना संक्रमितको कुल संख्या  ३९ हजार ४६० पुगेको छ ।

स्वास्थ्री तथा जनसंख्या मन्त्रालयका प्रवक्ता डा. जागेश्वर गौतमले सोमबारको नियमित प्रेस ब्रिफिङमा महिला ३०३ र  पुरुष ५९६ जना गरी देशभर ८९९ जनामा कोरोना संक्रमण पुष्टि भएको जानकारी दिए ।

यस्तै हालसम्म कोरोना संक्रमण मुक्त हुनेको संख्या २१ हजार ४ सय १० पुगेको छ ।  सक्रिय संक्रमितको संख्या १७ हजार ८ सय २२ रहेको डा. गौतमले जानकारी दिए  ।