म कोभिड १९ पोजिटिभ भएर १८ दिन हस्पिटल बसेर घर फर्किएको छु र घरमा आराम गरिरहेको छु । १३ दिनको ICU को बसाइमा मलाई बचाउन धेरै मिहिनेत गर्नु भएका APF Hospital का सबै स्वास्थ्यकर्मी साथीहरुलाई धेरै धेरै धन्यवाद । दु:खको कुरा मलाई कसैको अनुहार थाहा छैन तर उहाँ भगवानहरुको प्रयास को जति नै प्रसंसा गरे पनि कम हुन्छ । म नेपाल सरकारलाइ यो उत्तम सेवाको लागि मुरि मुरि धन्यवाद दिन्छु । मलाई नेपाल सरकारले सबै उपचार खर्च गरमलाईमलाई बचाएको छ । मैंले तिरेको करको नेपाल सरकारले सहि रुपमा पे व्याक गरेको छ । यसका लागि म नेपाल सरकार प्रति हार्दिक आभार व्यक्त गर्दछु । साथै मेरो परिवार, आफन्त हरु र मेरा सहकर्मी साथीहरूले मलाई बचाउन गर्नुभएको मिहिनेत को लागि म सदैव ऋणी भएको छु । शंका लाग्ने बित्तिकै सहि समयमा नै सेल्फ क्वारेन्टीनमा बसेको हुनाले मेरो परिवारका कसैलाइ पनि केहि भएन ।
मैंले दोस्रो जिवन पाएको छु । म कसरी रुघाखोकी कोभिडको शिकार भए अझै सम्म उत्तर त छैन, तर केहि हेलचेक्राइँ नै प्रमुख कारण हो भन्ने कुरा मा दुइमत छैन । कोभिडको बारेमा साधारण रुघाखोकी र बेसार पानी आदि को जुन भ्रम हामी लाई छ, यसले नै कोभिड १९ हाम्रो समाजमा फैलिदै छ भन्ने चाहिँ मलाई प्रष्ट भएको छ । यसलाई कसैले पनि साधारण रुघाखोकी नमान्नु होला । सुख्खा खोकी र जरो छ भने PCR टेस्ट गरेर हस्पिटलको लागि तयारी गर्नुहोला । मैंले मृत्यु नजिकबाट हेरेर फर्किएको छु ।
गत २५ वर्ष देखि विपद जोखिम व्यवस्थापनमा काम गर्दै आएको मलाई यो कोभिड १९ संक्रमणले हाम्रो विपद जोखिम न्यूनीकरण र व्यवस्थापनको धेरै पाटोमा पाठ सिकाएको छ । मेरा सबै अनुभव केहि समय पछि मिडिया मार्फत जानकारी गराउने नै छु । मेरा अनुभव सरकार र नेपाली जनता दुवैको लागि सुधारका कार्यक्रम लागु गर्न पक्कै पनि केहि सहयोगी हुनेछ ।
यसैगरी मलाई कोभिड संक्रमण भएको कुरालाइ लिएर एउटा पेशागत समुहको एक झुण्डले सामाजिक सञ्जालहरुमा गोसिप गर्दै “मर्दैछ” भन्ने सम्मको जुन अफवाह फैलाउने काम गरे त्यसले मलाई अति दु:ख लागेको छ । म ICU मा छट्पटिदै गर्दा एकजना महाशयले त मलाई मेरो फेसबुक मेसेन्जरमा “कोभिड हुदै मा ICU मा त होइन होला” भन्न सम्म आँट गरे । त्यस्ता मानवताका कलंकहरुलाइ भगवानले सद्बुद्धी दिउन भन्ने पनि कामना गर्दछु ।
केहि दिन पछि म आफ्नो कर्मक्षेत्रमा ओर्लिने छु भन्दै सबै शुभचिन्तक हरुमा हार्दिक नमन ।।।
Photo: My bed on which I spent 13 days in ICU.
साभार : डा. रञ्जनकुमार दाहाल भूगर्भ–इञ्जिनियर, सह प्राध्यापक त्रिबिको पोष्टबाट
तपाईको प्रतिक्रिया