कोरोना संक्रमित (४१,६४९) संक्रमण मुक्त (२३,२९०) मृत्यु (२५१)

काठमाडौं ।  नेपालमा कोरोना भाइरसबाट  संक्रमित हुनेको कुल संख्या ४१ हजार ६ सय ४९ पुगेको छ।

पछिल्लो २४ घण्टामा देशभर  ३२० महिला र ८०० पुरुष गरी १ हजार १ सय २० जनामा कोरोनाभाइरस संक्रमण पुष्टि भएको बुधबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले जानकारी दिए । यो संगै देशभर कुल संक्रमितको संख्या ४१ हजार ६४९ पुगेको छ।

यस्तै हालसम्म देशभर कोरोना निको हुनेको कुल संख्या २३ हजार २९० पुगेको छ । बितेको २४ घण्टामा  १ हजार ११२ जना संक्रमण मुक्त भएका हुन् । यो संगै  देशभर सक्रिय संक्रमितको संख्या १८ हजार १०८ रहेको डा . गौतमले जानकारी दिए । 

यस्तै बितेको २४ घण्टामा नेपालमा कोरोनाभाइरस संक्रमण  थप १२ जनाको मृत्यु भएको छ । यो संगै मृत्यु हुनेको संख्या २५१ पुगेको छ ।
डा  गौतमले थप १२ जनाको मृत्यु भएको जानकारी दिए ।
काठमाडौंका मृतकमा १ महिला र २ पुरुष रहेका छन् । यस्तै चितवनमा पनि २ महिला र १ पुरुषको मृत्यु भएको छ भने ललितपुर, तनहुँ र कपिलवस्तुमा पनि १–१ महिलाको मृत्यु भएको छ ।
यस्तै बाराका, भक्तपुर र धादिङका १–१ गरी ३ पुरुषको मृत्यु भएको छ ।