काठमाडौं उपत्यकामा थप ४४५ जना सहित देशभर १,२२८ जना संक्रमित थपिए

काठमाडौं । काठमाडौं उपत्यकामा थप ४४५ जना सहित देशभर  १,२२८ जना संक्रमित थपिएका छन् ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले आज १३ हजार ४१३ जनाको पीसीआर भएको जसमा काठमाडौंमा ३५७, ललितपुरमा ४६ र भक्तपुरमा ४२ जना सहित देशभर १,२२८ जनामा  कोरोना संक्रमण पुष्टि भएको बिहीबारको नियमित प्रेस ब्रिफिङमा जानकारी दिए ।

यससँगै देशभर कुल संक्रमितको संख्या ४२ हजार ८७७ पुगेको डा. गौतमले जानकारी दिए । देशभर सक्रिय संक्रमितको संख्या १८ हजार ४१३ रहेको छ ।

यस्तै बितेको २४ घण्टामा ९१७ जना डिस्चार्ज भएका छन् भने हालसम्म निको हुनेको कुल संख्या २४ हजार २०७ पुगेको छ ।