नेपालमा कुल संक्रमित (४२,८७७) संक्रमण मुक्त (२४,२०७) मृत्यु (२५७)

काठमाडौं ।  नेपालमा कोरोना भाइरसबाट  संक्रमित हुनेको  कुल संख्या ४२ हजार ८७७ पुगेको छ ।

पछिल्लो २४ घण्टामा देशभर  ३९४ महिला र ८३४ पुरुष गरी  १ हजार २ सय २८ जनामा कोरोनाभाइरस संक्रमण पुष्टि भएको बुधबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले जानकारी दिए । यो संगै देशभर कुल संक्रमितको संख्या ४२ हजार ८७७ पुगेको छ।

 डा. गौतमले आज १३ हजार ४१३ जनाको पीसीआर भएको  जानकारी दिए ।

यस्तै बितेको २४ घण्टामा ९१७ जना डिस्चार्ज भएका छन् भने हालसम्म निको हुनेको कुल संख्या २४ हजार २०७ पुगेको छ । देशभर सक्रिय संक्रमितको संख्या १८ हजार ४१३ रहेको डा. गौतमले जानकारी दिए  ।

यस्तै बितेको २४ घण्टामा नेपालमा कोरोनाभाइरस संक्रमण  थप ६ जनाको मृत्यु भएको छ । यो संगै मृत्यु हुनेको संख्या २५७ पुगेको डा  गौतमले जानकारी दिए ।