थप ९ जना कोरोना संक्रमितको मृत्यु, ज्यान गुमाउनेको संख्या २८९ पुग्यो

काठमाडौं । आइतबार थप ९ जना कोरोना संक्रमितको मृत्यु भएको छ । यो संगै कोरोना संक्रमितको मृत्यु हुनेको कुल संख्या २८९ पुगेको छ ।

पछिल्लो २४ घण्टामा थप ९८० जनामा कोरोना संक्रमण पुष्टि भएको छ।

स्वास्थ्य मन्त्रालयका प्रवक्ता डा जागेश्वर गौतमले आइतबारको नियमित प्रेस ब्रिफिङमा देशभर महिला २९० र पुरुष ६९० गरी ९८० जनामा संक्रमण पुष्टि भएको जनाए ।

पछिल्लो २४ घण्टामा १ हजार ८१४जना कोरोनाभाइरस संक्रमणमुक्त भएका छन् भने हालसम्म निको हुनेको कुल संख्या २८ हजार ९४१ पुगेको छ ।  गौतमका अनुसार देशभर सक्रिय संक्रमितको संख्या १७ हजार २७ रहेको छ । 

यस्तै हालसम्म कोरोनाबाट मृत्यु हुनेको संख्या २८९ पुगेको छ।