देशभर ९०२ जना संक्रमित, कुल संख्या ४८,१३८ पुग्यो

काठमाडौं । बितेको २४ घण्टामा देशभर ९ सय २जना संक्रमित थपिएका छन् । यो संगै संक्रमितको कुल संख्या ४८ हजार १ सय ३८ पुगेको छ ।

स्वास्थ्य मन्त्रालयको मंगलबारको नियमित प्रेस ब्रिफिङमा    ९०२ जनामा संक्रमण पुष्टि भएको जानकारी दिए ।  नेपालमा कोरोना संक्रमितको कुल संख्या ४८ हजार १ सय ३८ पुगेको जानकारी दिएका हुन् ।

यसैगरी पछिल्लो २४ घण्टामा संक्रमण मुक्त हुनेको संख्या २ हजार २ सय ८७  रहेको छ । यस्तै संक्रमण मुक्त हुनेको कुल संख्या ३२ हजार ९ सय ६४ जना पुगेको  डा  गौतमले जानकारी दिए ।

यस्तै बितेको २४ घण्टामा ६ जना कोरोना संक्रमितको मृत्यु भएको छ। यो संगै मृत्यु हुनेको संख्या ३०६ पुगेको डा. गौतमले जानकारी दिए ।