थप १४ जना कोरोना संक्रमितको मृत्यु, कुल संख्या ३३६ पुग्यो

काठमाडौं  । पछिल्लो २४ घण्टामा नेपालमा थप १४ जना कोरोना संक्रमितको मृत्यु भएको छ । यो संगै कोरोना संक्रमणबाट मृत्यु हुनेको कुल संख्या ३३६ पुगेको छ ।

यस्तै पछिल्लो २४ घण्टामा १,२०१ जनामा  कोरोना संक्रमण पुष्टि भएको छ ।  यो सँगै हालसम्म ५३ हजार १२० संक्रमितको संख्या पुगेको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले शनिबारको नियमित प्रेस व्रिफिङमा १२०१ संक्रमित थपिएको जानकारी दिएका हुन् ।

त्यस्तै पछिल्लो २४ घण्टामा थप ८५२ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म ३७ हजार ५२४ पुगेको छ ।