काठमाडौं उपत्यकामा ६७६ संक्रमित थपिए

काठमाडौं । पछिल्लो २४ घण्टामा काठमाडौं उपत्यकामा ६७६ जना कोरोना संक्रमित थपिएका छन् ।

काठमाडौंमा मात्रै ५५५ जना रहेका छन् भने भक्तपुरमा ८६ र ललितपुरमा ३५ जना रहेका छन् ।

मंगलबारको नियमित प्रेस ब्रिफिङमा स्वास्थ्य स्वास्थ्य मन्त्रालयका प्रवक्ता डा जागेश्वर गौतमले जानकारी दिएका हुन् ।

यस्तै पछिल्लो २४ घण्टामा देशभर भने १ हजार ४५९ जनामा कोरोनाभाइरस संक्रमण पुष्टि भएको छ । हालसम्म संक्रमितको कुल संख्या ५६ हजार ७८८ पुगेको डा. गौतमले जानकारी दिए।

यस्तै पछिल्लो २४ घण्टामा १ हजार ६२ जना निको भएका छन् भने कुल निको हुनेको संख्या ४० हजार ६३८ पुगेको छ । देशभर सक्रिय संक्रमितको संख्या १५ हजार ७८९ रहेको छ ।यस्तै कोरोना संक्रमण बाट थप ११ को मृत्यु भएको छ । यससँगै मृतकको कुल संख्या ३७१ पुगेको छ।