जनक साउद,बैतडी । ट्राफिक प्रहरी कार्यालय बैतडीले गत आर्थिक बर्ष २०७६÷०७७ मा १३ लाख २७ हजार राजश्व संकलन गरेको गरेको छ । ट्राफिक नियम उल्लंघन गर्ने २ हजार ३ सय सवारी साधनहरुलाई कार्बाहरी गर्दै १३ लाख २७ हजार राजश्व संकलन गरिएको हो ।
आर्थिक बर्ष २०७५÷०७६मा १७ लाख २ हजार ५ सय राजश्व संकलन गरिएकोमा आर्थिक बर्ष २०७६÷०७७मा भने राजश्व संकलनमा कमी आएको छ । कोभिड १९ महामारीबाट बच्न सरकारले चैत्र ११ गतेदेखी गरेको लकडाउनका कारण सवारी साधनहरु नचल्दा राजश्व संकलनमा कमी आएको जिल्ला ट्राफिक प्रहरी कार्यालय बैतडीका प्रमुख राजेन्द्र सिह रावलले बताए । गत आर्थिक बर्षमा २ सय ४८ ओटा दुईपाङग्रे र २ हजार ५२ ओटा चार पाङग्रे सवारी साधनहरु कार्बाहीमा परेका छन ।
ट्राफिक नियमको उल्लंघन गर्ने २४८ ओटा मोटर साईकलहरु, १४२ ओटा ट्याक्टरहरु, १५९८ ओटा जीपहरु, ३३० ओटा ट्रकहरु र ३९ ओटा बसहरु ट्राफिक कार्बाहीमा परेका हुन । बिशेष गरी लाईन्सेन नभएको, क्षमता भन्दा बढी यात्रुहरु ओसारपसार गर्ने र अन्य कागजपत्रहरु नभएका सवारीसाधनहरुलाई कार्बाही गरिएको जिल्ला ट्राफिक प्रहरी कार्यालय बैतडीका प्रमुख रावलले जानकारी दिए ।
तपाईको प्रतिक्रिया