नयाँ प्रेमगीत बजारमा ! `ग्यारेन्टी भो मेरो माया सियोर तिमीलाई´

ललितपुर । गायक रमेश घिमिरेले प्रेमगीत बजारमा ल्याउनुभएको छ ।`ग्यारेन्टी भो मेरो माया सियोर तिमीलाई´ बोलको गीत विहिबार साँझ आफ्नै युट्युब च्यानलबाट सार्वजनिक भएको जानकारी दिनुभएको छ ।

भौतिक शास्त्र प्राध्यापन गर्दै आउनुभएका घिमिरेले गाउनु भएको यो गीतको लेखन तथा संगीत संयोजन कृष्ण दाहालले गर्नुभएको हो ।

छायांकन तथा निर्देशन सन्तोष घिमिरेले गर्नुभएको उक्त गीतको एरेञ्ज उदयराज पौडेलले गर्नुभएको हो ।

स्टुडियो फिलमा रेकर्ड गरिएको उक्त गीतमा गायक घिमिरे आफैंले मोडलिंग गर्नुभएको छ ।

सहकारी क्षेत्रमा समेत आबद्ध घिमिरेले यस अघि पनि विभिन्न गीत गाउनुभएको छ ।