स्वास्नी र छोरी काठमाडौंको सडकमा भीख माग्दै गुजारा गर्दै उपचार गराउन बाध्य : मृगौला पीडित शिबनाथ महतो

काठमाडौं । काठमाडौंमा मृगौलाको उपचारत्त एक मधेशीले  सहयोगको अपिल गरेका छन् ।

धनुषाको धनुषाधाम नगरपालिका वडा नं ५ पर्वता बस्ने शिबनाथ महतोले सम्पूर्ण मधेशी तथा देशवासीसंग सहयोगको अपिल गरेका हुन् ।

दुबै मृगौला काम गर्न छोडेपछि महतो काठमाडौंको राष्ट्रिय मानव अंग प्रत्यारोपण केन्द्र भक्तपुरमा तीन वर्षदेखि लगातार उपचार गराई रहेका छन् ।

तीन वर्षदेखि काठमाडौंमा बसी उपचार गराई रहदा घर जग्गा समेत बिक्री गर्नुपरेको तथा अब आफनो स्वास्नी र ५ वर्षको छोरी काठमाडौंको सडकमा भीख मागि दैनिक जिविका गुजार्दै  मृगौलाको उपचार गराउन बाध्य भएको महतो सुनाउँछन् ।

उनले अब आफनो मृगौलाको उपचार गराउन केही बेच्न बाकीँ नरहेको भन्दै सम्पूर्ण मधेशी समुदाय र देशबासीहरुमा आफनो मृगौला उपचारको लागि आर्थिक सहयोग माग्न बाध्य भएको जनाए । 

उनको स्वास्नीलाई पनि पथरीको समस्या रहेको सुनाउदै दैनिक गुजारा चलाउन निकै समस्या परेको भन्दै सबैमा सहयोगको अपिल गरेका छन् ।