चिनियाँ स्मार्टफोन निर्माता शाओमी कर्पोरेसनले भारतमा आफ्नो वित्तीय सेवा व्यवसाय बन्द गरेको छ । कम्पनीले चार वर्षअघि भारतमा यो सेवा सुरु गरेको थियो । कम्पनीले आफ्नो एप एमआई पेमार्फत बिल भुक्तानी र पैसा ट्रान्सफर गर्ने सुविधा दिएको थियो । तर यसलाई नेशनल पेमेन्ट कर्पोरेशन अफ इन्डियाले मान्यता प्राप्त तेस्रो पक्ष यूपीआई एपको सूचीबाट हटाएको छ।
हालै, शाओमीले एमआई क्रेडिट पनि हटायो। यो स्मार्टफोनले छिटो ऋण उपलब्ध गराउने उद्देश्यले प्रयोगकर्ताहरूलाई ऋण दिने कम्पनीहरू र एमआई पे एपहरूसँग जोड्न प्रयोग गरेको थियो।समाचार एजेन्सी रोयटर्सका अनुसार चीनबाहिर शाओमीको सबैभन्दा बलियो बजार भारत हो। तर, पछिल्ला दिनमा कम्पनी भारतको कर विभागको निशानामा परेको छ । अप्रिलमा शाओमीको ६७६ मिलियन डलरको सम्पत्ति भारतमा जफत गरिएको थियो। यद्यपि शाओमीले आफूले कुनै गलत काम नगरेको बताएको थियो ।
सन् २०२० मा गलवानमा भारतीय र चिनियाँ सैनिकहरू बीचको द्वन्द्व पछि, केही चिनियाँ कम्पनीहरू, विशेष गरी वित्तीय एपहरू भारतमा बन्द गरिएको थियो। भारतले सुरक्षाको कारण देखाउँदै ३ सयभन्दा बढी चिनियाँ एपमाथि प्रतिबन्धसमेत लगाएको थियो । जसमा लोकप्रिय एप टिकटक पनि समावेश छ । रातोपाटि
तपाईको प्रतिक्रिया