काठमाडौं । आजभन्दा ६६ बर्ष पहिला आजकै दिन अर्थात २४ अगस्टका दिन स्वतन्त्र विश्वको उन्नत र सभ्य प्रजातान्त्रिक देश भनिने गरेको संयुक्त राज्य अमेरिकामा कम्युनिष्ट आन्दोलन र कम्युनिष्ट पार्टीमाथि प्रतिबन्ध लगाइएको थियो ।
प्रतिबन्ध लगाउन कम्युनिष्ट कण्ट्रोल कानुन बनाएर त्यतिबेलाका अमेरिकी राष्ट्रपति आइजन आवरले लागु गरेका थिए १९५४ मा । त्यो कानुन लागू भएको त्यसै दिनदेखि अमेरिकामा कम्युनिष्ट पार्टी प्रतिबन्धित भएको थियो भने कम्युनिष्टको समर्थक, शुभचिन्तक र सदस्य हुनु पनि अपराध घोषित गरिएको थियो । कम्युनिष्ट सदस्य बनेको पाइएमा पाँच बर्षसम्म कैद र १० हजार अमेरिकी डलर जरीवाना या दुबै दण्डसजाय हुन्थ्यो ।
त्यो कानुन पारित हुँदा अमेरिकी सिनेटको प्रतिपक्षले समेत जोडदार रुपमा समर्थन गरेको थियो ।
अमेरिकी सर्बोच्च अदालतले पनि त्यो कानुनलाई असंबैधानिक भनेको थिएन । यी सबै कम्युनिष्ट बिरोधी गतिबिधिका हुँदा हुदै पनि अमेरिकी कम्युनिष्ट पार्टी र कम्युनिष्ट आन्दोलन अहिले पनि यद्यपि अवैधानिक रुपमा कायम रहेकै छ ।
अमेरिकामा १९१९ मा कम्युनिष्ट पार्टीको गठन भएको थियो ।
तपाईको प्रतिक्रिया