दीपक रावल,
कोहलपुर, साउन १३,
ज्ञान बहुमुखी क्याम्पस कोहलपुर बाँकेको विद्यार्थीलाई स्वागत कार्यक्रम सम्पन्न भएको छ ।
बिबिएस तथा बि।एडमा प्रथम वर्ष अध्ययनका लागि नयाँ भर्ना भएका विद्यार्थीहरुलाई बिबिएस तथा बि।एड दोस्रो वर्षका विद्यार्थीहरुलाई स्वागत गरेका हुन् । बि।एड दोस्रो वर्षमा अध्ययनरत छात्रा अञ्जु सुनारको अध्यक्षतामा भएको कार्यक्रममा कोहलपुर नगरपालिकाका नगर प्रमुख पूर्ण प्रसाद आचार्य प्रमुख अतिथी रहेका थिए । कार्यक्रममा प्रमुख अतिथी आचार्यले विद्यार्थीहरुलाई एक प्रश्न सोधेर सही जवाफ दिने विद्यार्थीलाई सम्मान गर्दै कार्यक्रमको उद्घाटन गरेका थिए ।
कार्यक्रममा आचार्यले ज्ञान बहुमुखी क्याम्पसमा अध्ययनका लागि आएका नयाँ विद्यार्थीलाईं स्वागत गरेका थिए । उनले विद्यार्थीहरुलाई स्वागत गर्दै उज्जवल भविष्य निर्माणको शुभकामना व्यक्त गरेका छन् । कार्यक्रममा बोल्दै उनले दिनहुँ रोजगारीका लागि अध्ययन छोडेर वैदेशिक रोजगारीमा प्रदेश जाने विद्यार्थीको संख्या बढ्दो रहेको बताउँदै आचार्यले बिबिएस तथा बि।एडमा नयाँ भर्ना भएका विद्यार्थीहरुको उज्जवल भविष्यको कामना गर्दै उनीहरुलाई अध्ययनमा थप प्रोत्साहन गर्न जरुरी रहेको बताए ।
कार्यक्रममा बोल्दै डिएसपी तिवारीले यस कलेजले डाक्टर, ईन्जिनियर, शिक्षक, व्यवसायी मात्रै नभई नेपाल प्रहरी पनि उत्पादन गर्नुपर्ने भन्दै विद्यार्थीलाई शुभकामना दिएका थिए । तिवारीले नयाँ आउने विद्यार्थीहरु पनि योग्य र दक्ष भइ कलेजको नाम राख््नेमा आफु ढुक्क भएको बताए । विद्यार्थी समाजका दिप भएकाले उनीहरुले घर समाज हुँदै राष्ट्रलाई नै प्रकाश छर्ने काम गर्ने बताउँदै विद्यार्थीहरुलाई पढाईप्रति जिम्मेवार हुन आग्रह गरे । आजका विद्यार्थी भोलीका मुलुक निर्माणका खम्बा रहेकाले उनीहरुको भविष्य उज्यालो बनाउनको निम्ति अभिभावकहरुले समेत प्रेरकको भुमिका खेल्नुपर्नेमा जोड दिए ।
कार्यक्रममा क्षेत्रिय परीक्षा नियन्त्रण कार्यालय बाँकेका सह नियन्त्रक सुमन गौतम, ईलाका प्रहरी कार्यालय कोहलपुरका प्रहरी प्रमुख डिएसपी सुन्दर तिवारी, संचालक समिति अध्यक्ष ज्ञानेन्द्र खनाल, क्याम्पस व्यवस्थापन समिति अध्यक्ष मणी प्रसाद खनाल, क्याम्पन प्रमुख टेक बहादुर गुरुङ, सह प्रमुख तिलक के।सी।, लगायत यस क्षेत्रका क्याम्पस प्रमुख, विद्यार्थी, शिक्षा प्रेमीहरुको सहभागिता रहेको थियो । प्राध्यापक भिम खरेको स्वागत मन्तव्यबाट सुरु भएको कार्यक्रमको संचालन नव किरण शाहले गरेका थिए ।
तपाईको प्रतिक्रिया