बाँके आगलागीको उच्च जोखिममा पर्छ । तर आगलागी नियन्त्रणको पूर्वतयारी भगवानभरोसा चलेको छ । कतिसम्म भने आगलागी नियन्त्रण गर्ने दमकलले पानीको अभाव झेल्नुपरेको तथ्य बाहिर आएको छ । आगो निभाउ“दा निभाउ“दै दमकलको पानी सकिएपछि फेरी भर्न तालतलैया खोज्दै भौतारिनुपर्छ । पानी भर्न समय लागेपछि समयमै आगो नियन्त्रण नभएका थुप्रै घटना रहेका छन् ।
बा“केका कुनै पनि पालिकाले सम्भावित यस्तो दुर्घटना टार्न ठाउ“–ठाउ“मा पानीको बोरिङ्ग वा कृत्रिम ताल निर्माण गरेका छैनन् । गत बुधबार नेपालगन्जमा बसेको जिल्ला बिपद् व्यवस्थापन समितिको बैठकमा नेपालगन्ज उपमहानगरपालिकाका प्रशासकीय अधिकृत शिवप्रसाद रिजालले यो प्रंसग निकालेर हरेक पालिकाले आगलागी नियन्त्रण गर्नका लागि पानीको जोहो गर्नुपर्ने बिषयमा ध्यानार्कषण गराए ।
बाँकेका प्रमुख जिल्ला अधिकारी बिपिन आचार्यको अध्यक्षतामा बसेको उक्त बैठकमा रिजालले भने,– ‘आगो निभाउ“दा निभाउ“दै पानी सकिएपछि फेरी भर्न दमकललाई खोलानाला खोज्दै हिड्नुपर्ने अवस्था रहेछ । यस्तो अवस्थामा समयमै आगो नियन्त्रणमा नआएर क्षती हुने जोखिम रहन्छ ।’ रिजालले सबै पालिकाले ठाउ“ हेरेर बोरिङ्ग वा कुनै प्रकारको तलाउ बनाउन सुझाव दिए ।
रिजालका अनुसार, नेपालगन्ज उपमहानगरपालिकाभित्र यस्तो बनाउन सुरु गरिएको छ । त्यस्तै खानेपानी संस्थान लगायतले यस्तो पूर्वाधार निर्माणमा लागेका छन् । पालिकाले भने दिर्घकालिन योजना नै बनाएरै त्यस्तो पानीको जोहो गर्नुपर्ने आवश्यकता देखिएको जिल्ला आपतकालीन कार्य सञ्चालन केन्द्रका प्रमुख रुपन ज्ञवाली बताउँछन् ।
उनका अनुसार बा“के आगलागीको उच्च जोखिममा रहेकाले पानी लगायत सबैको व्यवस्थापन पहिल्यै गर्नुपर्छ । बाँकेमा विगत १५ वर्षमा आगलागीका कारण ६ जनाले ज्यान गुमाएका छन् । आर्थिक वर्ष २०६४/०६५ देखि जिल्लाका विभिन्न पालिकामा भएको आगलागीका कारण ६ जनाको निधन भएको हो ।
जिल्ला आपतकालीन कार्य सञ्चालन केन्द्र र नेपाल रेडक्रस सोसाइटी बाँके जिल्ला शाखाको तथ्यांक अनुसार सबैभन्दा धेरै आर्थिक वर्ष २०६८/ ०६९ मा ३ हजार ४१ जना प्रभावित भएका थिए । हालसम्म सबैभन्दा कम आर्थिक वर्ष २०७८/७९ मा ४२ जना प्रभावित भएको तथ्यांकले देखाएको छ ।
यसैगरी आगलागीकै कारण २ हजार २ सय १० घरधुरी, ४ हजार १ महिला,४ हजार ४ सय २८ पुरुष र ४ हजार ३ सय ४२ जना बालबालिका प्रभावित भएका छन् । कूल ५४ जना आगलागीकै कारण घाइते भएको ज्ञवालीको भनाइ छ । गर्मीयाम बढेसँगै जिल्लामा आगलागीको विपद् प्रत्येक वर्ष हुने गरेको छ । असावधानीपूर्वक आगोको प्रयोग र घरको बनोटले गर्दा आगलागीका घटना हुने गरेको पाइन्छ ।
आगलागीका घटना बढी होलिया, बेतहनी, मटेहिया, नरैनापुर, कालाफाँटा, लक्ष्मणपुर, कटकुइया क्षेत्रहरुमा हुने गरेको तथ्यांकले देखाउँछ । जिल्लाका अन्य क्षेत्रहरुमा आगलागीको विपद् भएतापनि प्रभावितहरुको संख्या कम हुने गरेको छ । आगलागीको जोखिम धेरै भएपनि बाँकेका धेरैजसो स्थानीय तह दमकलविहीन छन् ।
बाँकेका आठमध्ये ५ वटा स्थानीय तहमा अझैपनि दमकल छैन । अहिलेसम्म तीन वटा पालिकामा मात्रै दमकल चालू अवस्थामा रहेका छन् । जिल्लाका नेपालगन्ज उपमहानगरपालिका, कोहलपुर नगरपालिका र नरैनापुर गाउँपालिकामा मात्रै दमकल छन् ।
नगरका भित्री भागमा हुने आगजनीका घटनामा कमी गर्नलाई उपमहानगरले पानीका पाइपहरुबाट समेत आगलागीका बेला कार्य गर्न सकिने व्यवस्था मिलाइएको उपमहानगरले जनाएको छ ।
तपाईको प्रतिक्रिया