कोहलपुर, भदौ ३१,
पश्चिम नेपालको एकमात्र ठुलो अस्पताल हो नेपालगंज मेडिकल कलेज शिक्षण अस्पताल कोहलपुर । लुम्बिनी, कर्णाली तथा सुदूरपश्चिमा नागरिकहरुका लागि यो अस्पताल वरदान स्वप नै हो । सामान्य बिरामीदेखि जटिल तथा सडक दुर्घटनाका धेरै जोमिख मोल्दै नागरिकहरुको उपचार गर्दै आएके यो अस्पताल अत्याधुनिक सुविधा सम्पन्न अस्पताल हो । यस अस्पतालले तीन प्रदेशका धेरै जनाताहरुको जीवन बचाएको छ ।
यो अस्पताल संचालनमा आएको लामो समय भैसकेको छ । पश्चिम नेपालको एकमात्र ठुलो अस्पतालमा सेवाहरु गुणस्तरयुक्त बन्दै गएका छन् । जस्ले गर्दा सेवाग्राही बढ्दै छन् । अत्याधुनिक सेवाहरुको विस्तार तथा मुख्य रुपमा जनताले विश्वास गरेका कारण नै सेवाग्राही बढ्दै गएका हुन् । मेडिकल कलेज नजिकै भएका कारण यहाँका धेरै जनताहरुले सहज रुपमा स्वास्थ्य सेवा पाईरहेका वेटर लाईफ ईन्स्च्यिुटका महाप्रबन्धक सुवास सिंह ठकुरीले बताए ।
नेपालगंज मेडिकल कलेज समग्र कोहलपुर नगरपालिकाको विकासको फूल हो । यस अस्पतालका कारण व्यापार व्यवसायदेखि पर्यटनलाई समेत माथी उठाएको छ । यो मेडिकल कलेज कोहलपुरको चिनारी रहेको व्यवसायी सिएम उपाध्ययले बताएका छन् । मेडिकल कलेजको विकल्प अहिलेसम्म बनेको छैन । अन्य स्वास्थ्य संस्थाले आफ्नो सेवा दिरहे पनि यो अस्पतालको सेवा फरक तथा गुणस्तरिय दिरहेको छ । फेरी पनि नागरिकहरुको माग अनुसार आफ्ना सेवाहरु विस्तार गर्दै लैजानु पर्ने युवा नेता राजेन्द्र विष्टको भनाई छ । यस अस्पतालबाट लगभग ७० प्रतिशत बिरामीहरु सफल उपचार प्राप्त गरि घर फर्किने गरेका छन् । राम्रो प्रविधि, र दक्ष जनशक्ति रहेको यस अस्पतालले विगत लामो समयदेखि बिरामीलाई उपचार गर्दै आएको राजनीतिज्ञ तथा होटल व्यवसायी निम बहादुर चलाउनेले बताए ।
विगतदेखि नै सामान्य ज्वरो, बच्चा, गाइनो तथा दुर्घटनाका बिरामीहरुको उपचार गर्दै आएको यो अस्पतालले विभिन्न ठुला अस्पतालहरुलाई चुनौति दिरहेको छ । यस अस्पतालले धेरै व्यक्तिहरुलाई रोजगारी सिर्जना गर्नुका साथै दक्ष जनशक्ति उत्पादनमा महत्वपूर्ण भुमिका खेलेको कोहलपुर नगरपालिका प्रमुख पूर्ण प्रसाद आचार्यले बताएका छन् । प्रमुख आचार्यले अस्पतालको थप विकासका लागि सबैले पहल गर्नुपर्ने बताए । अस्पतालको विकासका लागि आफूले अस्पतालका प्रमुख व्यक्तिहरुसँग छलफल गरिरहेको जानकारी दिए ।
बिरामीलाई सहज रुपमा गुणस्तरीय उपचार सेवा प्रदान गर्न यो अस्पतालका सेवा तथा प्रविधि विस्तारको काम निरन्तर अगाडि बढीरहेको छ । अत्याधुनिक अस्पतालका रुपमा विस्तार गर्ने काम विगत देखि नै सुरु भैरहेको यस अस्पतालबाट वार्षिक लाखौं विरामीहरुले सेवा लिदैं आएका छन् । यस अस्पताललाई थप मजबुद बनाउन स्थानीय सरकार, केन्द्रिय सरकार तथा स्थानीय नागरिकहरुको साथ जरुरी छ ।
तपाईको प्रतिक्रिया