कोहलपुर, असोज ११,
बाँके अर्थात् पश्चिम नेपालको एउटा सुन्दर जिल्ला । लुम्बिनी प्रदेशमा पर्ने बाँके जिल्ला तराई क्षेत्रको उत्तर–पश्चिमको भूगोलमा अवस्थित छ । बाँके एक विकसित तथा व्यापारिक जिल्ला हो । यसै जिल्लाको एउटा प्रमुख शहर हो कोहलपुर । कोहलपुर सम्भावनाको शहर हो । शिमाली तथा पहाडी जिल्लका धेरै मानिसहरु कोहलपुरमा सम्भावनाको खोजी गर्दै आउने गरेका छन् । यति मात्रै नभई स्वस्थ्य जीवनको खोजिमा पनि कोहलपुर आउने गरेका छन् भने । विभिन्न हिमाली पहाडी जिल्लाबाट व्यापार व्यवसायका लागि पनि आउने गरेका छन् ।
यस्तै कोहलपुरको दश बिगाह क्षेत्र कोहलपुरको पहिलो व्यापारिक क्षेत्र हो । कोहलपुरका अन्य स्थान भन्दा दश बिगाहमा अझ बढी व्यापार हुने गरको छ । नेपालगंज मेडिकल कलेजका कारण त्यहाँको व्यापार व्यवसाय फस्टाएको हो । कोहलपुर नगरपालिका वडा नम्बर ११ दश बिगाहको उत्तरगेटमा राधा गौतमको फेन्सी पसल छ । करिब १५ वर्षदेखि राधा गौतमले उत्तरगेटमा निरन्तर व्यापार व्यवसाय गर्दै आएकी छिन् । आँशु कस्मेटिक्स पसलबाट सुरु गरेको व्यापार व्यवसायलाई बढाउँदै फेन्सी पसल गर्दै आएकी छन् ।
विभिन्न् ठाउँबाट आउने बिरामी, कुरुवा तथा नयाँ बच्चा जन्मिदा नयाँ लुगाका लागि छेउछाउका फेन्सी पसलबाट खरिद गर्ने गरेका आँशु कस्मेटिक्स एण्ड कपडा पसल संचालक राधा गौतमले बताईन् । आफ्नो पसलमा सबै प्रकारका कपडा बताउँदै गौतमले मेडिकलकै कारण पसल चलिरहेको उल्लेख गरिन् । अस्पताल भएका कारण व्यापार मात्रै नभएर औषधी उपचारको लागि पनि सहज भएको गौतम बताउँछिन् । उनले भनिन्,–‘अस्पतालले हामी सबैलाई सकारत्मक फाईदा भएको छ । अस्पतालकै कारण यहाँ बजारको माहोल बनेको हो ।’
अस्पतालको स्थापना पछि नै यहाँ ठुला ठुला घर बनेको उनले बताईन् । अस्पतालकै कारण धेरै घरहरु भाडामा लगाउन पाईएको तथा घरबेटीहरुलाई आर्थिक स्रोतको राम्रो माध्यम भएको उल्लेख गरिन् । उनी भन्छिन्,–‘अस्पतालका कर्मचारीहरु नजिकै कोठा खोज्छन् । घरबेटीलाई राम्रो भयो । यहाँका धेरै नागरिकहरुले रोजगारी पाएका छन् । अस्पताल नभैदिएको दिए यहाँ चहल पहल नै हुन्थेन ।’
अस्पताल नजिकै भएका कारण आफ्नो छोराको सजिलै उपचार गर्न सफल भएको गौतम सुनाउँछिन् । उनी भन्छिन्,–‘मेरो छोरा राति १० बजे एक्कासी बिरामी भयो । घरमा म मात्रै थिए । नजिकै मेडिकल कलेज भयो एक्लै पनि दौडिए । अस्पतालमा पनि छोराको राम्रो चेकजाँच भयो । भोलीपल्ट छोरालाई एक्लै छोडेर पैसा खोज्न थाले एपेन्डिसाईडको अप्रेशनका लागि टाढा भएको भए त का छोरा छोड्थे कहाँ पैसा खोज्थे । मेरो छोराको सफल उपचार भयो त्यसैले यो अस्पताल हाम्रा लागि जीवन बचाउने आश्रय हो ।’
मेडिकल नजिकै भएकै कारण राधाले आफ्नो छोरीलाई नर्सिङ पढाईन् । उनकी छोरी अहिले नर्सिङ पढेर राजधानीमा बसेर अस्पतालमा काम गर्ने भैसकिन् । उनले भनिन्,–‘छोरीलाई टाढा पठाउन सकिदैनथ्योकी । नजिकै मेडिकल कलेज भएकै कारण छोरीलाई नर्सिङ पढाईयो अहिले छोरी ठुली भई बुझ्ने भै अब जता नी काम गरेर खान सक्छ ।’
तपाईको प्रतिक्रिया