काठमाडौं । धान बालीको याममा सरकारले नेपाली किासानहरुलाई आवश्यक मल उपलब्ध नगराएकोमा तीब्र बिरोध गर्दै चार किसान संगठनहरुले आज एक संंयुक्त बक्तब्य निकालेका छन् ।
सरकारको गैर जिम्मेवार कारणले धानबाली बिग्रिएमा र कम उत्पादन भएमा सरकारले किसानलाई क्षतिपूर्ति दिनुपर्ने र अनिकालबाट उपभोक्तालाई जोगाउन सबै आवश्यक उपाय गर्नुपर्ने उनीहरुले जोडदार माग गरेका छन् ।
संयुक्त बक्तब्य सयस प्रकार छ :देशको अर्थतन्त्रको मेरुदण्ड मानिएको कृषि र त्यसमा पनि मूख्यतः धानबालीका लागि आबश्यक पर्ने रासायनिक मल खाशगरी यूरिया र डिएपी सरकारले समयमा उपलब्ध गराउन नसकेर देशैभरीका किसानहरुमा आज हाहाकार मच्चिएको छ । कोभिड–१९ को बहानमा सरकारको यस्तो गैर जिम्मेवार रबैया र मूख्य बाली लगाउने बेलामा किसानहरुलाई परेको यो गम्भीर मर्काप्रति हामी चार किसान संगठनहरुको अत्यन्तै गम्भीर ध्यानाकर्षण भएको छ । शुरुमा मल आउैदछ, केही मौज्दाद पनि छ भनेर किसानको मागलाई बेवास्ता गर्दै किसानको आवाजलाई मौन पार्न खोजियो र अन्ततः मल ल्याउन नसक्ने लाचारी प्रकट गरेर उम्कने जुन घोर गैर जिम्मेवार व्यवहार सरकारले देखाएको छ त्यसको हामी चार किसान संगठन तीब्र निन्दा तथा बिरोध र भत्र्सना गर्दछौं तथा मन्त्रि परिषदको आज बसेको पछिल्लो बैठकले पनि किसानको यो समस्यका बारेमा एक शब्द चुइक्क नबोलेको स्थितिले कृषि र किसानका समस्याप्रति सरकार कति उदासीन रहेको छ भन्ने पनि प्रष्ट देखिएको छ । यस्तो किसिमको रबैयाबाट तत्काल मुक्त भएर किसानलाई आबश्यक मल उपलब्ध गराउन हामी जोडदार माग गर्दछौं ।
शुरुमा धान रोपाई गर्दा नै रसायनिक मल चाहिने किसानहरुले रोपेको २२ दिनमा ‘टप ड्रेसिङ्ग’ गर्न पाइने आशा लगाएर पर्खिएर बसे । तर सरकारले कोरोना भाइरसको कारण लकडाउनको स्थितिमा मल ल्याउन नसक्ने भनेर बाहानाबाजी गर्दै तर्कने र किसाहरुसँग झर्कने काम गरेर रमिते भएर बस्यो । अब किसानको धानबाली उत्पादन न्यून हुन जाने र किसान थप मर्कामा पर्ने, आम उपभोक्ताले अनिकाल ब्यहोर्नु पर्ने र खाद्यान्न लगायतका बस्तुहरुमा फेरि पनि बाह्य देशहरुकै भर पर्नु पर्ने जुन नाजुक स्थिति सिर्जना हुँदैछ त्यसको सम्पूर्ण जिम्मा सरकारले लिनु पर्दछ र न्यून उत्पादनको जिम्मा सरकारले लिएर किसानलाई क्षतिपूर्ति दिनु पर्दछ भन्ने पनि हामी माग गर्दछौं ।
वक्तव्यमा अखिल नेपाल किसान यूनियनको तर्फबाट अध्यक्ष लोकनारायण सुबेदी, अखिलन नेपाल किसान महासंघको तर्फबाट अध्यक्ष भैरबराज रेग्मी, अखिल नेपाल किसान महासंघ(क्रान्तिकारी)को तर्फबाट अध्यक्ष सीताराम तामाङ्ग र अखिल नेपाल प्रगतिशील किसना संघको तर्फबाट इञ्चार्थ कृष्णराणाले हस्ताक्षर गरेका छन् ।
तपाईको प्रतिक्रिया