एक घर एक पिसिआर परीक्षणकाे व्यवस्था मिलाउन कांग्रेसको माग

-सहबान अन्सारी

नवलपरासी । नवलपरासीमा बर्दघाट नगरपालिकामा एक घर एक पिसिअार परीक्षणकाे व्यवस्था  मिलाउन नेपाली कांग्रेस बर्दघाट नगर समितिले माग गरेको छ ।

जिल्लामा समुदाय स्तरमा काेराेना भाइरस काेभिड- १९ संक्रमण बढ्दै गइरहेको  समयमा नेपाली कांग्रेस बर्दघाट नगर समितिका सभापति सम्भुलाल श्रेष्ठले बर्दघाट नगरपालिकाका नगर प्रमुखलाई ध्यानाकर्षण पत्र बुझाउनु भएको हाे ।

काेराेना भाइरसको संक्रमण दिनहुँ बढदै गएको अवस्थामा बर्दघाट नगरबासीहरुकाे सुरक्षा गर्ने प्रमुख जिम्मेवारी  नगरपालिकाकाे रहेकाे र नगरपालिकाद्वारा सम्प्रेशीत सुचना र जारी गरिएको स्वास्थ्य मापदण्ड पालना गर्नुपर्ने नगरबासीहरुकाे प्रमुख कर्तव्य रहेकाे बताउदै जिल्ला भित्र निषेधाज्ञा गरिएको अवस्थामा निषेधाज्ञालाई प्रभावकारी रुपमा पालना गर्न सम्पूर्ण जनसमुदायमा अपिल गर्दै नगरबासीहरुकाे एक घर एक पिसिअार परिक्षण गर्नुपर्ने सभापति श्रेष्ठले जाेडदार माग गर्नुभएको हो ।

 निषेधाज्ञाकाे समयमा दैनिक ज्यालादारी गर्ने बिपन्न र गरिब जनतालाई दुई छाक खान पाउने अवस्थाकाे सुनिश्चितताकाे लागि छिटोभन्दा छिटो राहत वितरण गर्न नगरपालिकालाई जाेडदार माग गर्दै ध्यानाकर्षण पत्र बुझाईएको छ ।