ब्लड डोनर्स एशोसिएशन नेपाल (ब्लोदान) र श्री अजिमा युवा क्लबको संयुक्त आयोजनामा आकस्मिक रक्तदान कार्यक्रम भाद्र १७ गते सम्पन्न भयो ।
ब्लोदानका केन्द्रीय सदस्य तथा आकस्मिक रक्तदान कार्यक्रमका सयोजन समितिका सदस्य पुरुषोत्तम खत्रीको संयोजकत्वमा तारकेश्वर नगरपालिका वडा नं. ९ मनमैजु माद्यमिक विद्यालय परिसरमा भक्तपुर रक्तसञ्चार सेवाको प्राविधिक सहयोगमा सम्पन्न सो कार्यक्रममा २७ जना पुरुष र १७ जना महिला गरि जम्मा ४४ जना स्वयंसेवी रक्तदाताहरूले रक्तदान गर्नुभएको थियो ।
सो कार्यक्रममा ब्लोदान काठमाडौं जिल्ला शाखाका सदस्य अजित खड्का, सल्लाहकार डम्बरध्वज लामा, ब्लोदान काठमाडौं जिल्ला तारकेश्वर नगर समितिका अध्यक्ष देवेन्द्र महर्जन, ब्लोदान काठमाडौ जिल्ला मध्य क्षेत्र रक्तदान कार्यक्रम उपसमितिका सदस्यद्वय दिनोज चित्रकार तथा राजीव श्रेष्ठ लगायतको उपस्थिति रहेको थियो ।
ब्लोदानले विभिन्न संघसंस्थाहरूसंग सहकार्य तथा समन्वय गर्दै सुरक्षा मापदण्ड अपनाउंदै आकस्मिक रक्तदान कार्यक्रम आयोजना गर्दै आएको छ ।
तपाईको प्रतिक्रिया