सुनकोशी र भोटेकोशीमा बाढी !

काठमाडौं ।  जल तथा मौसम विज्ञान विभागले सुनकोशी र भोटेकोशी नदीमा एक्कासी बाढी आएपछि तटीय क्षेत्रका बासिन्दालाई सतर्क रहन आह्वान गरेको छ ।

विभागको सिन्धुपाल्चोकस्थित बलेफी नदी जलविरे बाढी मापन केन्द्रका अनुसार एक्कासी जलसतह १ मिटर बढेर बाढी बढ्दो क्रममा रहेको छ ।

यस्तै सिन्धुपाल्चोकको बाह्रबीसेस्थित भोटेकोशी नदीमा पनि एक्कासी बाढी आएकाले ती नदी आसपासका तटीय क्षेत्रका बासिन्दालाई सुरक्षित रहन बाढी पूर्वानुमान महाशाखाले आह्वान गरेको छ ।

दिउँसो मुलुकका अधिकांश प्रदेशका एक दुई स्थानमा भारी वर्षा हुने मौसम पूर्वानुमान मशाखाले जनाएको छ  ।

महाशाखाका अनुसार प्रदेश १, बागमती प्रदेश, गण्डकी प्रदेश  सुदूरपश्चिम प्रदेश र कर्णाली प्रदेशमा आज दिउँसो र राति भारी वर्षाको सम्भावना छ ।

यसअघि सिन्धुपाल्चोकको बाह्रबिसेमै गत असार २४ गते  बाढीपहिरो जाँदा २० जना बेपत्ता भएका थिए ।